نێچیروان بارزانی سەرۆک هەرێم کوردستان لە بەیاننامەیگ وت: “ئمڕوو یاد پەنجا ساڵەی شەهیدبوین دەیان خوەنەوار و مامووستای زانکۆی سلێمانی و هاووڵاتیەیل مەدەنی لە “قەڵادزێ” کەینن کە لە 24 نیسان ١٩٧٤ بوینە قوربانی تاوانیگ ترەک لەلایەن رژیم عراق.

وتیش: شەهیدکردن خوەنەوارەیل و مامووستایل زانکۆ و خەڵک مەدەنی لە پەلاماریگ ئاسمانی ترسنۆکانە هیزیگ زیاتر وە رووح و ئیرادەی وەرخودان و نواگیریکردن ستەم و دیکتاتۆر بەخشی، گەل کوردستانیش زیاتر زوور خستە بان ئەو پرسە و وەردەوام بوی لە تێکۆشان ئەرا مافەیل خوەی.

سەرۆک هەرێم لە قسەیلی وتیش: ئی تاوانە و قوربانیەیل ئەو رووژە لە زانکۆی سلێمانی لە قەڵادزێ و خەڵک یاخی ناوچەگە تەنیا لاپەڕەیگە لە میژوو خویناوی و پڕ لە ئازار گەل کوردستان کە بایەسە وانە و یەکڕزی و تەبایی لەلی وەربگریمن، با ئەرا هەمیشە ریگری لە دووارەبوین ئەو میژووە بکەیمن و ئومید ئەوە داشتویمن کە ئەرا بانانیگ خاستر کاربکەیمن.

شار قەڵادزێ لە ٢٤ نیسانی ١٩٧٤ لەلایەن رژیم وەرین بۆردومان ئاسمانی کریا و شارەگە تا راپەڕین ساڵ ١٩٨٢ ئەرا ماوەی ٩ ساڵ وە ویرانکاری مەنەو لەوەر کیشان کڕ سوور لە ناوچەگە، و دویای راپەڕین گەل کوردستان لە ساڵ ١٩٩١ ، شارەگە دووارە ئاوەدان کریا.