نێچیروان بارزانی لە بەیاننامەیگ رەسیە ئاژانس شەفەق نیوز وت: لە چل و نوهەمین ساڵیاد بمبوارانکردن زانکۆی سلێمانی و شار قەڵادزێ، وەرێزیگ یاد شەهیدەیل و قوربانیەیل ئەو تاوانە وەدەس رژیم وەرین کەیمن، و سەر ریز و نەوازش لەنوای گیان پاکیان چەمنیمن، و سڵاو لە باوان و کەسوکارەیل سەربەرزیان کەیمن.
وتیش: وەئامانجکردن زانکۆی سلێمانی و شار قەڵادزێ، تەقەلای بیخودیگ بوی وەلایەن رژیم ئەرا شکانن ئیرادەی گەل و بزووتنەوەی ئازادیخواز کوردستانی، باوجی شەهیدبوین خوەنەوار و مامووستایل زانکۆ و مەدەنیەیل لە خەڵک قەڵادزێ هاز و رکداری زیاتر دادە هەس نواگیری لەلای گەل کوردستان، ک وە گورجییگ بەرزتر لە رەنج و خەباتی ئەرا ئازادی وەردەوام بوی.
وتیش: لەی ساڵیادە، دووارە دووپات لە پشتگیریکردن تەواومان ئەرا داوایل خەڵک قەڵادزێ و پشدەر نیشتمانپەروەر کەیمن، و دووپات لە ئەرک پیشکەشکردن خزمەتگوزاری زیاتر ئەرا ئی ناوچە کەیمن، و دیاری کرد ک ناوچەی پشدەر هەمیشە یەکیگ بویە لە قڵایل شووڕش و راپەرینەیل کوردستان، و فرە شەهید و قوربانی گەورە وەخاتر ئازادی پیشکەش کرد.
لە ٢٤ نیسانەساڵ ١٩٧٤، شار قەڵادزێ کەفتە وەر گورزیگ ئاسمانی وەلایەن رژیم وەرین، و شارەگە تا ماوەی نۆ ساڵ وە ویرانی مەن، تا راپەرین ١٩٨٢ لەوەر کیشان کڕ سوور لەناوچەگە، و دویای راپەڕین گەل کوردستانی لە ساڵ ١٩٩١، دووارە شارەگە لە نووەو بینا و ئاوەدان کریا.