شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، داوا لە لایەنە سیاسییەیلە کرد مقیەتی یەکڕزی، و هەڵوێستەیل بکەن ک وەرانوەر باوەتە چارەنۊسەیلە ک پەیوەندی وە دەسکەفتەیل دەستوری هەرێم دیرن.
ئەوەیش لە وتاریگ لەناو رسوومەیل وەبونەی دەربۊن یەک ساڵ لە کووچکردن سەرکردە لە پارتی ڕەحمەتی رۆژ نووری شاوەیس لە شار هەولێر پاێتەخت هەرێم کوردستان هات. سەرۆک بارزانی لە وتارەگەی وت: مەرج سەرکەفتنمان هالە یەکڕزیمان، و بایەتە کورد یەکڕز و یەک دەنگ بوون تا مقیەتی دەسکەفتەیل بکەن نەگ ئەرا پۆست و پلە.
هەمیش وت: ڕەحمەتی رۆژ نووری شاوەیس باوەڕ داشت ک بایەتە بۊمنە یەکیگ، و هەمیش باوەڕ داشت ک وەداخەو تا ئیسە هۊر جیوەجیکردن دەستور لە بەغداد جی خوەی نەگردگە.
بارزانی دەسنشان ئەوەیش کرد ک ئەگەر یەکڕز نەۊمن وەنە توانای مقەیەتیکردن دەسکەفتەیل نییمن، و ئەوزەڵیشی نێکەیمن، و دووپات کرد ک بایەتە لەی باوەتە جدی بۊمن، و وەیەکەو وەردەوامی وە خەبات ئەرا ئەو ئامانجەیلە بەیەیمن ک فرە قوربانی ئەرایان دایمن، چ لە پارتی یا یەکێتی یا لەو لایەنەیل سیاسی.
سەرۆک هەرێم کوردستان هەمیش وت: بایەتە گشتمان ئەرا مسۆگەرکردن مافەیل دەستوری هەرێم کار بکەیمن، لەبان جیوازی و رایەیل فرە، باوجی تەنیا مەرجیگ ئەرا وەپشتسەرنان ئی قوناغە خوەی یەکڕزیە، و وەیەکڕزی تۊنیمن سەرکەفتنەیل فرەیگ لە ئایندە وەدەس باریمن.