سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی لە سێ رووژ کۆنگرەگە، زنجیرەیگ گردەوبوین وەگەرد سەرکردەیل و وەزیرەیل دەرەوە و گەورە وەرپرسەیل وڵاتەیل ئەنجام دا، لەلیان: سەرۆک کۆمار ئازەربایجان، سەرۆک وەزیرەیل هەرلە پۆڵەندا و ئەرمینیا و عراق، و وەزیرەیل دەرەوەی ئەمریکا و بەریتانیا و ئیتالیا و ڤاتیکان و نەرویژ و قەتەر و کوەیت و ئوردن، و خانمە سەرۆک کۆمسیۆن ئەوروپا،جیگر سەرۆک وەزیری کاروبار دەرەوە و سیاسەت ئەمنی لە کۆمسیۆن ئەوروپا، وەگەرد دوو شانۆ کۆنگرس ئەمریکا، خانمە یاوەر وەرگری ئەمریکا ئەرا کاروبار ئاسایش ناودەوڵەتی، وەزیر دەوڵەت ئەڵمانی ئەرا هاوکاری ئابووری و ئەوزەڵکردن، جیگر سەرۆک دەسەی کاروبار دەیشتەکی لە پەرلەمان ئەڵمانیا و شاندیگ ئەڵمانی، شاند پەرلەمانتارەیل لە حزب سۆسیالیستی دیموکراتی ئەلمانیا، و بڕیگ لە کەسایەتیەیل و ئامادەبویەیل کۆنگرەگە.

لەناو ئی دیدار و گردەوبوینەیلە، باس رەوشەیل سیاسی و ئەمنی و ئابووری عراق و هەرێم کوردستان کریا، و پەیوەندیەیل هەولێر و بەغدا و گفتوگۆ ئەرا چارەکردن گرفتەیل گیرهاتگ ناوبەینیان، و پەیوەندیەیل عراق و هەرێم کوردستان وەگەرد ئەو دەوڵەتەیل و شیوەیل پیشکەفتن لە چینەیل هاوکاری هاوبەش، و رەوشەیل خوەرهەڵات ناوڕاس و ناوچەگە وەگشتی، و گرنگی مقیەتیکردن ئاسایش و ئارامی و پەیاکردن پارەیل ئاشتەوایی ئەرا گیچەڵ و گرفتەیل، و باوەتەیل وزە و ئاسایش و نواگیری تیرۆر و بڕیگ لەو باوەتەیلە ک لەلای ئامادەبویەیل کۆنگرەگە گرنگ بوین.