سەرۆک نێچیروان بارزانی لە وتاریگ لەناو رسوومەیل راگەیانن دروسکردن فیرقەی یەکەم و دویەم لە هیزەیل پیشمەرگە وت: دویای کاردانەوەی بڕیار دەسەی ناوجیکردن ناودەوڵەتی لە پاریس، نووڕیمن ک ئی بڕیارە ئەوەسا دەرفەتیگ گرنگ واز کەێد تا هەولێر و بەغدا چارەسەر باوەت نەفت بکەن، و دیاری کرد ک ئی بڕیارە دووپات لەبان ماف دەستووری هەرێم کوردستان لە نەفت کەێد، و وەیەوە توەنیمن بڕەسیمنە چارەسەریگ ئەرا گشتمان تا لەناوی سەرکەفتگ بویمن.
وتیش: داناین یاسای نەفت و گاز ئەوەسا مادەی ١١٢ گورجەو کەێد، و جیوەجیکردن فیدڕاڵی کەلەنەو دەستوور بڕیاری دریاگە، تا لە مەرکەزیەت قورتار بویمن، و دووپات کرد ک ئیمە بەشیگ فرە کرنگیمن لەناو ئی دەوڵەتە، و پشتگیری لە محمد شیاع سودانی سەرۆک وەزیرەیل لە گشت گامەیلی کەیمن، و پاڵپشتی بەرنامەی حکومەتیی کەیمن.
سەرۆک هەرێم کوردستان وتیش: سودانی واقعیانەیگ لە چارەکردن گرفتەیل و ناکۆکیەیل نشان دا، و ئیمەیش لەلای خوەمانەو بایەتە پشتگیری حکومەتەگەی بکەیمن، وتیش: لەیەکڕەسینەوەی گەورەیگ ناوبەین مەسرور بارزانی سەرۆک حکومەت هەرێم کوردستان و سودانی سەرۆک وەزیرەیل عراق هەس، و سەردان و هامشوو شاندەیل ناوبەین دوو حکومەتەگە هەس، و شاند کوردی گامەیل گەورەیگ لە چوارچیوەی چارەکردن گرفتەیل و باوەتەیل گیرهاتگ ناوبەین هەولێر و بەغدا ئەنجام دا.
نێچیروان بارزانی وتیش: مەسرور بارزانی ئمڕوو ها بەغداد، تا دووپات لە چارەسەریگ سەرکەفتگ ئەرا باوەت نەفت بکەێد، و چارەکردن عراق وە خاسترین چارەسەری ئەرا ئی باوەتە داناد، ک وت: ئەگەر ئی گیچەڵە چارەسەر کریا ئەوەسا دەرەیلیگ ئەرا چارەکردن گرفتەیل فرەیگ واز کەێد.
سەرۆک هەرێم کوردستان لە کۆتایی وتارەگەی وت: ئیمە ئامادەیمن ئەرا لەیەکڕەسینەوە لەبنەمای دەستوور عراقی، و دووپات کرد ک چارەکردن باوەت نەفت و بڕیاردان بوودجە بوودە مزگانی گرنگ و دڵخوەشکەریگ ئەرا گشت گەل عراق.