شەفەق نیوز/ سەرۆک هەرێم کوردستان، نێچیرڤان بارزانی، ئمڕوو جومعە، پەیام سەرەخوەشی نویسەر و میژوونویس ناودیار کورد جەماڵ بابان نارد.
وەپای بەیاننامەیگ رەسیەس وە ئاژانس شەفەق نیوز، بارزانی سەرەخوەشی لە خیزان و هاوڕیەیل بابان کەێد، هەمیش ئەرا نویسەرەیل کوردستان وەشیوەی گشتی، هیوای سەبوری و دڵنەوایی ئەرا گشت هەوادارەیلی خوازێد.
سەرۆک هەرێم وتیش، "رەحمەتی جەماڵ بابان، ماوەیگ دویر ودرویژ گشت توانا و لێهاتویی و قەڵەمی ئەرا نویسین تەرخانکردوێد، خزمەت فرەیگ وە مژار کتاو ئەدەبی و میژوویی کردیە"، دووپاتکرد "بەرهەمەیل وەنرخی بەشیگ گەپ لە کتاوخانەی کوردی داگیرکردیە".