یەیش لە چوارچبوەی سەردانەگەی ئەرا بەغدا هات، کە دویەشەو (شەممە 6 نیسان 2024) سەرۆک نێچیروان بارزانی بەشداری لە هەردوگ گردەوبوین چوارچیوەی هەماهەنگی لایەنەیل شیعە و گردەوبوین ئاسایی هاوپەیمانی ئیدارەی دەوڵەت کرد، کە تا وەخت دیریگ لە شەو وەردەوام بوی، وەگورەی بەیاننامەی دەسەی سەرۆکایەتی هەرێم، شەوەکی یەکشەممە.
لە بەیاننامەگە هاتگە کە لە ناو دیدار چوارچیوەی هەماهەنگی، جەناب سەرۆک نێچیروان بارزانی دووپات لە گرنگی هەماهەنگی ناوەین لایەنە سیاسییەیل عراق و کارکردن وەکۆمەڵ و مقیتیکردن دەستوور و سیستەم فیدراڵی کرد، و وە گرنگ نوورست کە لەیەکفامستن هاوبەش بوود لە وەڕێوەبردن وڵات و بانانی.
لە لایبگ ترەک دیدارەگە و لەباوەت پەیوەندییەیل ناوەین هەولێر و بەغدا، نێچیروان بارزانی دووپات لەوە کردە کە هەرێم کوردستان جدییە لە تەقەلای ئەرا چارەسەرکردن کێشەیل لەڕی دیالۆگ و لە بنەمای دەستوور، و لەی رویەو، جەناب سەرۆک هەرێم دووپات لە پەیاکردن میکانیزمیگ کرد ئەرا ئەنجامدان گردەوبوینیگ خولیی ناوەین لایەنە پەیوەندیدارەیل.
لەلای خوەییش محمد شیاع سودانی سەرۆک وەزیرەیل فیدراڵی عراق و ئەو بەشداربویەیل دیدارەگەر بیجگە لە پیشوازیکردن لە بەشداریکردن سەرۆک نێچیروان بارزانی، دووپت لە بویین خواستیگ هاوبەش کردن ئەرا لەیەکفامستن و چارەسەرکردن کێشەیل و هەر لەوەر ئی مدووە وەردەوامبوینیان لە پەیوەندیکردن ەە “پێویست و گرنگ” زانستن.
لە گردەوبوین هاوپەیمانی ئیدارەی دەوڵەت، باوەتە هاوبەشەیل وەرد سەرۆکایەتی هەرێم کوردستان تاوتوێ کریا، گرنگی جیوەجیکردن ڕێککەفتن هاوپەیمانی ئیدارەی دەوڵەت ئەرا دروسکردن حکومەت فیدراڵی، مەرجەیل عراق و هەرێم کوردستان، پلاتفۆرم وەزاری، خزمەتگوزارییەیل، و بەرنامەی سەردانەگەی سەرۆک وەزیرەیل عراق ئەرا واشنتۆن، وەگورەی بەیاننامەی سەرۆکایەتی هەرێم.