شەفەق نیوز/ سەرۆک هەرێم کوردستان نێچیرڤان بارزانی، ئمڕوو سێشەممە، لە پەیوەندییگ تەلەفۆنی پیرۆزبایی لە سەڵاحەدین محەمەد بەهائەدین ئەمیندار گشتی یەکگرتوی ئسلامی کوردستان کرد وەبوونەی یاد 30 ساڵەی دامەزرانن پارتەگە.
وەپای بەیاننامەیگ لە نویسینگەی نێچیرڤان بارزانی دەرچگە، ئومید سەرکەفتن ئەرایان خوازی دەور یەکگرتوی ئیسلامی بەرزنرخان لە ژیان سیاسی هەرێم کوردستان.
ئەمیندار گشتی یەکگرتوی ئیسلامی سوپاس و وەپیزانن خوەی سەرکردایەتی و جەماوەرەگەیان دەربڕی ئەرا پەیوەنی و پیرۆزبایەگەی نێچیرڤان بارزانی.