شەفەق نیوز/ نێچیرڤان بارزانی سەرۆک هەرێم کوردستان، ئمڕوو سێشەممە، دووپاتکرد لە گرنگی ئەنجامدان هەڵوژاردن پەرلەمان هەرێم، ک بڕیارە لەمانگ ئەیلول ئمساڵ وەگەرد بەغدا هەماهەنگی بکەێد لەبان نۊسین دەستوور هەرێم.
یەیش لەناو دیداریگ وەگەر مارک بریسۆن ڕیچاردسۆن باڵیۆز بەریتانیا لە عراق و شاندگەی یاوەری، لە بەیاننامیگ دەرچگە لە سەرۆکایەتی هەرێم رەسیە ئاژانس شەفەق نیوز.
له کووبۊنەگە پرۆسه‌ى سياسى له عراق، هەڵوژاردن و ئاكامه‌یلی، دانيشتن يه‌كه‌م ئه‌نجومه‌ن نۊنەرەیل عراق و هه‌ڵوژاردن ده‌سه‌ى سه‌رۆكايه‌تيى په‌رله‌مان، گامەیلەی دۊاى ئه‌وه‌گ و گرنگيى پشتگيريى كۆمه‌ڵگه‌ى ناوده‌وڵه‌تى له پرۆسه‌ى ديموكراسى له عراق، باس کریا.
سه‌رۆك نێچيرڤان بارزانى، دواى خسنەرۊ کوڵگە باسیگ لە ده‌رباره‌ى کوو دۆخه‌گه، دووپاتکرد عراق و هه‌رێم كوردستان پێويستييان وه ئارامى و سه‌قامگيرييه ئەرا ئه‌وه‌گ بتۊنن به‌رنامه‌يگ جیوەجی بکریەێد ك له به‌رژوه‌نى ته‌واو پكهاته‌یل عراق بوود.
هەردگ لایەنەگە دووپاتکردن له پته‌وكردن په‌يوه‌ندييه‌یل عراق و هه‌رێم كوردستان وەگەرد به‌ريتانيا.
لایەن به‌ريتانى دەسخوەشی تەقەلایەیل سه‌رۆک نێچيرڤان بارزانى كرد ئەرا پته‌وكردن په‌يوه‌ندييه‌یلی وەگەرد به‌ريتانيا. لەخود وەختەگە باس له په‌يوه‌ندييه‌یل هه‌رێم كوردستان و وڵاتەیل هاوسای کریا.
لايه‌نیگتر کووبۊنەگە باس رەوشەیل ناوخوەیی هه‌رێم كوردستان، و باس له په‌يوه‌نديى ناوبەین لايه‌نه سياسييه‌یل كریا و رووشنایی خریا بان هەڵوژاردنەیل هه‌رێم كوردستان و پرۆسه‌ى نۊسین ده‌ستوور.
لەی بارە سه‌رۆک نێچيرڤان بارزانى دووپات كرد، هه‌رێم كوردستان پايه‌نده وە هەڵوژاردنەیل له مەوقەی خوەی بکریەێد و ده‌ستووريش بایەت گردەو بکریەێدو په‌سه‌نکردن گشت لا بوود و ئەراوە وەگەرد به‌غدا هه‌ماهه‌نگى بكریەێد.