شەفەق نیوز/ رێبەر رەوت سەدر دۊای پەلامارە مووشەکییەگە لەبان هەولێر، راگەیان: هەولێر هەرگیز سەر نێچەمنێد. 

مووشەکەیلە شەفەق ئمڕوو یەکشەممە 13-3-2022 وەرەو کونسوڵخانەی ئەمریکا لەهەولێر وەشیاژ و زیان دارایی وە دەورگرد کونسوڵخانەکە رەسان. 

موقتەدا سەدر، رێبەر رەوت سەدر لە هەژمار تایبەت خوەی لە تووڕ کۆمەڵایەتیی (تویتەر) نۊسان: شكستهاورەیل هەولێر وە مووشەک و وەرسگکردن کردنەسە ئامانج ”جۊر ئەوەگ کورد عراقی نەوون“. 

موقتەدا سەدر وتیش: هەولێر هەرگیز سەر  نێچەمنێد، مەگەر ئەرا میانڕەوی، سەروەخوەی و سەروەری بوود. 

رێبەر رەوت سەدر ئومێد سەڵامەتی ئەرا هەولێر و گەل کوردستان خوازێد، و وت: ئارام بگرن تا ئەوەنە حکوومەتێگ زۆرینەی نیشتمانی لە عراق دروس کریەێد. 

لە کۆتایی پەیامەگەی، موقتەدا سەدر باس گەل کوردستان وە ”برا“ی خوەی کرد.