شەفەق نیوز/ وێستگەیل سوتەمەنی لە سلێمانی، ئمڕوو پەنجشەممە، راگەیانن نرخ بەنزین و نەفت و گاز لە پارێزگاگە داوەزیە، وە ڕێژەی50 دینار ئەرا گشت جویرەیلی.
بەهمەن قادر قسەکەر وێستگەیل سلێمانی لە بەیاننامەیگ رەسیە ئاژانس شەفەق نیوز راگەیان، " نرخ بەنزین و نەفت و گاز دوارە داوەزین وە خوەی دی لە ئمڕوو پەنجشەممە بڕوار 16 ئازار"، وتیش، " هووکار داوەزین نرخ سوتەمەنی گلەوخوەێد ئەرا کەمی داواکاری مەردم وە مدووی ئاڵشتبوین کەشوهەوا".
ئاشکەرایکرد، " نرخ بەنزین داوەزیایە لە 950 ئەرا 900 دينار ئەرا یەک لیتر، نەفت لە 950 ئەرا 900 دينار ئەرا یەک لیتر، غاز لە 650 ئەرا 600 دينار ئەرا یەک کیلو".