شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن پەنج مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.

دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا یەک ژن و دوو پیاو لە قامیشلۆ و یەک پیاو لە حەسەکە و یەکیگ لە کۆبانی تۆمار کریان.

وتیش: ٢٤١ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ١٣٣ پیاو و ١٠٨ ژن تۆمار کردنە.

تووشهاتنە نووەکان وەیجوورە بەشەوە بوین: ٥٤ حەسەکە، ٤٧ دێرک، ٥ دەرباسیە، ٢٥ ریقە، ١٧ دێر زۆر.

وتیش؛ دوو خاسەوبوین نوو تۆمار کردن.

جی باسە ک ژمارەی تووشهاتنەکان وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١١٣٣٣ ، لەلیان ٤٠٥ مردنە، و ١٣٤٢ خاسەو بوینە.