شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن ٣ مردن لەوەر ڤایڕۆس کۆڕۆنا و ١٦١ تووشهاتن نوو لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: سێ مردنەگە ئەرا ژن و پیاویگ لە حەسەکە و پیاویگ لە قامیشلۆ تۆمار کریان.
جوان خان وتیش؛ ١٧١ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٨٢ پیاو و ٧٩ ژن تۆمار کردن.
تووشهاتنە نووەکان وەیجوورە بەشەوە بوین: ٣٤ حەسەکە، ٧٩ قامیشلۆ، ٢٣ دێریک، ٣ دەرباسیە، ٢٠ ریقە، ٢ تەبەقە.
وتیش؛ چوار خاسەوبوین تۆمار کریا.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٠٠٥٩ تووشهاتن، لەلیان ٣٧٨ مردنە، و ١٣٠٧ خاسەو بوینە.