شەفەق نیوز/ ریخریاگ لوتکە تایبەت وە کاروبار پەنابەریەیل و کووچبەرەیل هەرێم کوردستان ناوچەیل و شارەیل عراق، ئمڕوو چوارشەممە، خەوەردا لە مردن پەنابەریگ عراقی لەناو زیندانیگ لە یۆنان.  

شێخ حسێن حەمە ساڵح نۊنەر ریخریایەگە لە یۆنان لە بەیاننامیگ ئمڕوو وت: گەنجیگ کورد لە پەنابەرەیل وەناو ( عەلا کەرەم ئەمین) ناسریاگ وە ( عماد کەرکوکی) لە بنەرەت خەڵک کەرکوکە ماوەیگە لە زیندان کوردیالوس لە ئەسینا پاێتەخت یۆنان دەسگیرکریایە. 

وتیش، عماد کەرکوکی تەندروسیی بەد بۊیە لە شەو پیرەکە و ئەرا چارەسەر کلکریایە خەسخانە باوجی شەوەکی رووژ سێشەممە دۊا کووچی کردیە. 

حەمە ساڵح وتیش، کووچکردگەگە 41 ساڵە بۊیە خەوەر مردنەگەی  دریایە وە قۆنسۆلخانەی عراقی لە یۆنان.  باوجی هووکار مردنەگەی ئاشکەرا نەکردیە.