شەفەق نيوز/ مارتن بیگر باڵوێز نوو ئەڵمانیا لە عراق، ئمڕوو سێشەممە،.دووپات لە وەردەوامی ئەرکەیلی لەناو هاوپەیمان ناودەڵەتی لە عراق کرد.    

سەرۆکایەتی هەرێم کوردستان لە بەیاننامەیگ وت: سەرۆک نێچیروان بارزانی، ئمڕوو پیشوازی لە باڵوێز ئەڵمانی کرد.    

لە کۆبونەوەگە باس باوەتەیل هەڵبژاردن عراق، ئەنجام و خوەنستن و مەزەنەیل دۊیارووژ شیوەی سیاسی وڵاتەگە،  بتەوکردن پەیوەندیەیل ئەڵمانیا وەگەرد عراق و هەرێم کوردستان، رەوشەیل عراق وەگشتی، باس کریا.    

باڵوێز ئەڵمانیا دڵنیایی کرد ک سیاسەت و رەفتار ئەڵمانیا وەرد عراق و هەرێم کوردستان ئەوەسا وەی شیوەی ئیسە دۊیای هەڵبژاردن و دروسکردن حکومەت نوو لە پەڕلین وەردەوام بوود،  و وڵاتەگەی ئەوەسا وەردەوام بوود لە پاڵپشتیکردن عراق و هەرێم کوردستان،  و ئاڵمانیا جۊر ئەندامیگ لە هاوپەیمان ناودەڵەتی ئەرا لەناوبردن داعش وەردەوام بوود.     

وتیش؛ ئەوەسا  وەگەرد وەزارەت باوەتەیل پێشمەرگە لە نزیکەو کار لە چاکسازی ویەکێتی هێزەیل پێشمەرگە کەن، و باس دەور سەرۆک هەرێم کوردستان لەی باوەتە وەگرنگ کرد.       

لەلای خوەییش،  وەگەرد پیرووزباییکردن وە وەرگردن پۆست نووی، سەرۆک نێچیروان بارزانی باس ئارەزوو خوەی ئەرا سەرکەفتن باڵوێز ئەڵمانیا کرد، و باس سوپاس هەرێم کوردستان ئەرا ئەڵمانیا کرد.    

و دووپات کرد ک هاوکاری و پاڵپشتی سەربازی و مرۆیی و سیاسی ئەڵمانیا ئەرا هەرێم کوردستان قەت لە هۊیر نێچوود، و باس وەردەوامی پاڵپشتیکردن ئەڵمانیا ئەرا عراق و هەرێم کوردستان جی دڵنیاییە و گرنگە.    

نووەوبۊیەیل لە ئەفغانستان، رەوشەیل ناوچەگە وەگشتی، و باوەتەیلیگ تر خاوەن گرنگی هاوبەش باسکردن لەو کۆبونەوە بۊین ک قونسڵ گشتی لە هەولێر ئامادەی بۊی.