پەیامنێر ئاژانس شەفەق نیوز وت: کۆنگرەگە وەلایەن یەکێتیی نویسەرەیل ناودەوڵەتی وە هاوکاری وەرد زانکۆی فورات ئەلئەوسەت وەڕیەو چوود، وە بەشداریکردن کەسەیلیگ ئەکادیمی.
حەسەن لەتیف سەرۆک زانکۆی فورات ئەلئەوسەت ئەرا ئاژانس شەفەق نیوز وت: کۆنگرەی زانستی ناودەوڵەتی چوارەم، تا ماوەی دوو رووژ وەڕیەو چوود، کە یەکێتی میژوونویسەیل ناودەوڵەتی لەژیر ناونیشان (رۆڵ زانستە مرۆڤایەتیەیل لە بیناکردن بانانیگ زیاتر وەردەوام و هاوسەنگی) سەرپەرشتیی کەێد، و لەناوی باس باوەتەیلیگ کریەێد کە لەلایەن توێژەرەیل و کۆمەڵگا گرنگە.
لەتیف وتیش؛ کۆنگرەگە بەشداریکردن زیاتر لە ٧٠ هەزار میژوونویس وەڕیەو چوود، کە فرەیان لە عراقن، وەگەرد بەشیگ لە دەوڵەتەیل عەرەبی و لە ئەوروپا، و ئومید خوازیمن ئەنجامەیل کۆنگرەگە مادەیگ زانستی ئەرا دەوڵەمەنکردن باس و گفتوگۆ لەو باوەتەیلە وەدەس بارێد کە چارەسەر کریەن.
لەلای خوەییش، غوسوون موحسن، خانمە ئەکادیمی بەشدار، ئەرا ئاژانس شەفەق نیوز وت: گرنگترین ئەو باوەتەیلە کە لەناو کۆنگرەگە باسیان کریا، باوەتەیل کۆمەڵایەتی بوی، وەتایبەت لەبان خوەنەواری و گیچەڵەیل کۆمەڵگا جویر کەرەستەیل پەیوەندی و زانستی و تەکنیکی نوو، کە ئەرا بەرزکردن زانستە کۆمەڵایەتی و مرۆڤایەتیەیل خوازیانە.