شەفەق نیوز/ مەسعود بارزانی سەرۆک پارت دیموکرات کوردستان، پەیامیگ بڵاو کرد و راگه‌یان: سووكایەتیكردن وە پیرووزیەیل و هیمایل باڵا وەهۊچ شیوەیگ قبووڵ نەکریاگە، و وە کڕ سوور دانریەێد، و فرە وەتونی شەرمەزاری کەیمن، هاووەخت هەمیش وەتونی رەت سزانن باره‌گای پارتی له به‌غدا کرد.
سه‌رۆك مه‌سعود بارزانی، ئمڕوو دووشەممە، لە پەیامەگەی وت: سووكایەتیكردن وە پیرۆزییەیل و هیمایل باڵا وەهۊچ شیوەیگ و قبووڵ نەکریاگە، و رەدبۊن کڕ سوورە و فرە وەتونی شەرمەزار ئەو سووكایەتیە کەیمن ک دۊشەو لە لایەن کەسیگ وە مەرجەعیەت کریاگە، ئەو جۊرە رەفتار نەگوجیاگە هۊچ پەیوەندییان وە گەل كوردستان و پارتی دیموكراتی كوردستانەوە نیە.
دووپاتیش کرد، ک كوردستان خاوەن فەرهەنگیگ بەرز پێكەوەژیانە، و سووكایەتیكردن وە سومبل و پیرووزیەیل خەڵك لە ناو فەرهەنگ گەل كوردستان هۊچ وەخت جیی نەکریاسەو و جیی نیەودەو.
بارزانی باس ئەوەیش کرد: گەل كوردستان ڕێز و پیزانن فرەیگ ئەرا مەرجەعیەت دیرێد، و پەیوەندیی مێژوویی و دووسی و هاوسوزی ناوبەین بارزانی نەمر و ئایەتوڵڵا حەكیم و شەهید سەدر بۊە ئەو پەیوەندی و دووسی دێرینە، ئەو كەسەیش ک سووكایەتی کردیە لە لایەن یاساوە گریاگە و سزای تاوان وە خوەی دۊنێد.
بارزانی له په‌یامه‌گەی وتیش: فرە وە تونی شەرمەزار سزانن بارەگای پارتی دیموكراتی كوردستان لە بەغدا کەیمن، ک ئەوە ئەرا دۊەمین جارە لە لایەن بڕیگ خراوەکار و شكستخواردگ ئەنجام دریەێد، و یە بەڵگەیگە لەبان بۊین پاشاگەردانی و نەۊین ئارامی و ئاسایش و لە راسی ئەو گرووپەیلە بیجگە لە خەراوەكاری و تێكدان و ئاژاوە هۊچیگتر لەدەسیان نەهاتیە.