شەفەق نیوز/ مەڵا بەختیار سەرکردە لە یەکێتی نیشتمان کوردستان، ئمڕوو چوارشەممە، باس لە دڵخوەشیی وە هەڵمەت سەرۆک هەرێم کرد، وچەوکەفتنی وە حزبەیل کورد لەو سەردانیە ک لەی هەفتە ئەرا سلێمانی ئەنجامی دا.  

مەڵا بەختیار لە کۆنگرەیگ رووژنامەوانی ئاژانس شەفەق نیوز ئامادەی بوی وت: هەڵمەت کاک نێچیروان بارزانی سەرۆک هەرێم کوردستان  گامەیل خاس وگرنگ بوی، و رەفتار لایەنەیل سیاسی وەگەردی خاس بوی، وئەنجامەگەی وە خاسی گلەو خوارد. 

مەڵا بەختیار وتیش: جویلەکردن نەتەوە یەکگرتگەیلیش هاوکار بوی لە جویلەهاوردن رەوشەیل هەرێم کوردستان تایبەت دویای ئەوەگ خانمە نوینەر نەتەوە یەکگرتگەیل باس مەترسیەیل خوەی لە عراق کرد، ودیاری کرد ک گردەوبوین خانمە نوینەر نەتەوە یەکگرتگەیل وەگەرد لایەنەیل کورد ئەوەسا راسیەیل هویردیگ دەربارەی باوەتەیلیگ ناکۆکی خەێدە وەرچەو، ک هەرێم لە جەهان نەوڕیاگە، و بایەتە سەرکردەیل کورد ئەوە بزانن ک گرنگە  واز لە ململانەیل سیاسی بارن. 

مەڵا بەختیار وتیش: هەرکەس ئۊشێد مەترسی لەبان هەرێم کوردستان لەی مەوقە ومەوقەی بانان نییە، من ئۊشم ئەوە هویچ لە سیاسەت نیەفامێد. 

وەرجەیە،  شاند نەتەوە یەکگرتگەیل لە عراق (یۆنامی) مکیس نوینەرەیل حزبەیل سیاسی لە هەرێم کوردستان ئەرا گردەوبوینیگ بەسیاگ کرد، ئەرا سوو پەنجشەممە.