شەفەق نیوز/ مەڵا بەختیار سەرکردە و جیگر ئەنجومەن سیاسی باڵای یەکێتی نیشتمانی کوردستان، ئمڕوو لە پەرلین گلەو خوارد و رەسیە خاک هەرێم کوردستان، دۊیای گەشتی چارەسەری لە تەقەلای کوشتنی وە ژەهراویکردنی.
پەیامنێر ئاژانس شەفەق نيوز وت: مەڵا بەختیار لەلایەن بڕێ لە ئەندامەیل ئەنجومەنی سیاسی، و ئەنجومەن سەرکردایەتی و پارێزگاری سلێمانی و بڕ گەورەیگ لە خەڵکەگە پیشوازی لەلی کریا.
مەڵا بەختیار لەو کۆنگرەی رووژنامەوانیە لە فڕۆکەخانەی ناودەوڵەتی سلێمانی ک ئاژانس شەفەق نیوز ئامادەی بۊی وت: خوەی و سەرۆک یەکێتی نیشتمانی کوردستان و سەرکردەیلیگ تر لە حزبەگە کەفتنە وەر تەقەلای شکستهاوریگ ئەرا کوشتنیان، وەدەس ئەوەگ خەیر ئەرا یەکێتی نێخوازێد.
وتیش؛ خوەی باج دژایەتی گەندەڵی لەناو حزبەگە دا، و دووپات کرد ک ئەنجامەیل کۆنگرەی چوارەم حزبەگە ئی راسیە ئاشکرا کرد.
مەڵا وتیش؛ ئەوەسا سوو یەکشەممە لە ئارامگای مام جەلال کۆنگرەیگ رۆژنامەوانی ئەنجام دەێد و وەدەکاریەیل ژەهراوکردنەگەی لەناوی ئاشکرا کەێد، وتیش؛ ئەو کارە سیناریۆیگ لەلایەن خوەی نەۊی باوجی پەلامار خوەی و سەرکردەیل حزبەگە بۊی.
و دیاری کرد ک هەنای لەناو یەکیگ لە خەسەخانەیل عەمان بۊی، تیمە تەندروسیەگە لەبان ژیانی نیگەران بۊین، ک هیشت پەیوەندی و باڤیڵ تاڵیبانی بکەێد، و داوا لەلی بکەێد ئاگادار سەرکردەیل حزبەگە و سەرۆک هەرێم وەی باوەتە بکەێد، و دۊیای ئەو پەیوەندییە شاە ئوردن پەیوەندی وەپی کرد و دەسمیەتی دا.