شەفەق نیوز/ سەرچەوەیگ ئەمنی، ئمڕوو شەممە، خەوەردا لە پەلامار نوویگ لەبان کێلگەی گاز لە پارێزگای سلێمانی.  

سەرچەوەگە ئەرا ئاژانس شەفەق نیوز وت: چەن مووشەکیگ ئەرا کێلگەی دانە گاز، نیمەڕو ئمڕوو شەممە، وەشیان، وەبی زانستن زەرەدەیل.  

دویەکە جمعە، وەڕیەوبەر ناحیەی قادر کەرەم لە قەزای چەمچەماڵ،  ئاشکرای هویردەکاری ئامانجکردن کۆمپانیای دانە گاز ئیماراتی لەو پەلامارە کرد ک کێلگەی کومۆر لە پارێزگای سلێمانی کردە ئامانج. 

سەدیق باوە وەڕێەوبەر  ناحیەی قادر کەرەم ئەرا ئاژانس شەفەق نیوز وت  رویداوەگە ساعەت ٢:١٠ی نیمەڕوو بوی.  

سەدیق وتیش: پەلامارەگە وە یەک مووشەک کاتیوشا بوی، کەفتە دەورگرد کۆمپانیاگە وهویچ زەرەدیگ گیانی ودارایی لەلی نەویەو.  

وتیش: مووشەکەگە لە ئاوای کومۆر وەدویتی هەفت کیلومەتر لە ناحیەی قادر کەرەم وەشیا، ک کەفێدە ناوچەی بۆشایی ئەمنی ناوبەین بەغداد و هەولێر، و ها دەس دەسەڵات فیدراڵی.  

سەدیق وتیش: ئەوە دویەم رویداو بوی لەو جویرە، وە ماوەی کەمتر لە ٧٢ ساعەت، و وەخود شیوە ولە خود شیونەگە وەشیا.