وەگورەی ڕاپۆرت ئاژانس هەواڵی میهر، وە ئەڵگەردان ئاژانس شەفەق نیوز، شەریف وت: پیشەسازی چەقوو لە شار مەڵکشاهی جویر یەکیگ لە بەرهەمە سەرەکییەیل ئی شارە نشانەیگ جوگرافی لە پیشەسازی چەقوو بوغدە کەفتیەسە دەس.
وتیش: چەقووسازی یەکیگە لە هونەرە ڕەسەن و دێرینەیل شار مەڵکشاهی لە پارێزگای ئیلام و میژوویگ دویر و درویژ دیرێد، جویر چەکیگ چەرمگ جیاواز لە دروسکردن شمشیر و جویرەیل ترەک چەک تیغ لە شارەگە دامەزریاس، ئمجا ئی هونەرە گەشە کرد و بویە پیشەسازییگ لەبان دەس دانیشتگەیل مەڵکشاهی.
شەریف دیاری کرد کە میژوو ئی پیشەسازییە لە مەڵکشاهی چوودەو ئەرا ئەو سەردەمە کە خاوەندارێتی چەقوو لە ژیان گشت کەسیگ وە خوازین گرنگ دانریا، و وەرد هاتن چەک ئاگرین، هەڵگرۆن و وەکارهاوردن چەقوو نەمەن.
وتیش: دروسکردن چەقوو “بوغدا” لە ئیلام خاوەن کوالیتی و وەرگرییگ بەرزە، و ئی جویرە چەقووە ناوازەیگ و تایبەتمەندییگ دیرێد کە لە ناوچەگە تایبەتمەنی دیرێد، وتیش: گشت گامەیل دروسکردنی وە دەسیە و وە شیوەیگ نەریتی وەبی ەەکارهاوردن ئامرازە پیشەسازییەیل.