شەفەق نیوز/ وەڕێۆبەرایەتی پەروەردەی خانەقین سەروە هەرێم کوردستان، ئمڕوو جمعە، ئاشکرای میکانزمەیل کەمەوکردن و رێکخستن دەوام مەکتەوەیل وەگورەی ریکارەیل مقەیەتیکردن لە پەتای کۆڕۆنا کرد.
حەسەن تاڵەبانی وەڕێۆبەر پەروەردەگە ئەرا ئاژانس شەفەق نیوز وت، وەڕێۆبەرایەتیەگە میکانزمەیلیگ مقەیەتی ئەرا رێکخستن دەوام مەکتەوەکان وە قۆناغەیل بنەڕەتی و ئامادەیی وەکار هاورد، و دیاری کرد ک ریکارەیل قەیەغەگە پشۆی دەوام فەرمی لە رووژەیل شەممە و یەکشەممە چەسپان، و ئەو رووژەکان تر دەوامەگە کەمەو کرد.
و دیاری کرد ک دەوام مەکتەوەیل بنەڕەتی لە یەک بنەڕەتی تا سێ ناوەندی بویە دوو رووژە لە هەفتەگە، و دەوام شەش ئامادەیی چوار رووژە، و دەوام چوار و پەنج ئامادەیی لە هەفتەگە دوو ڕووژە.
تاڵەبانی دووپات کرد ک زیاتر لە ٥٠٠٠ خوەنەوار بەشەو بوینەسە ٣٣ مەکتەو، لەلیان دوو ساوەی مناڵە و ٦ مەکتەو ئامادەیی و ئامادەیی پیشەسازی سەروە وەڕێۆبەرایەتی پەروەردەی کوردستان.
هەمیش وت: مەکتەوەیل هەرێم لە خانەقین پەنا وە ریکارەیلیگ مقەیەتی توکمەیگ برد ئەرا نواگردن پەتای کۆڕونا وەهەماهەنگی وەگەرد تیمە تەندروسیەکان و وەزارەت پەروەردەی کوردستان.