شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، لە هەولێر پایتەخت هەرێم کوردستان، چەوی کەفتە حەیدەر عبادی وەرپرس هاوپەیمان نەسر، و دووپات لە توانای وڵاتەگە کردن ک یەکجار تر هەڵسێدە قۆناغ نوویگ.

نووسینگەی عبادی لە بەیاننامەیگ رەسیە ئاژانس شەفەق نیوز وت: چەوپیکەفتنەگە باس بڕیگ لە باوەتەیل سیاسی و ئەمنی و ئابووری ئەرا چارەکردن گرفتەیل وەخوەی دی، و گرنگی وەردەوامبوین گفتوگۆەیل لەناونی جووراجور چالاکیەیل سیاسی و کۆمەڵایەتی ئەرا سازین چارەسەریەیل و پشتسەرنان وڵاتەگە لەو سەختیەیلە ک کەفنە وەری.

هەمیش باس باوەت هەڵبژاردن وەرجەوەخت کریا و گرنگی دابینکردن کەشوهەوای گونجیاگ لەلایەن دەسەڵاتەیل جیوەجیکەر و تەشریعی و کۆمسیۆن هەڵبژاردن ئەرا ئەنجامدانی لە مەوقەی دیاریکریاگ خوەی، ئەرا زەمینەسازی وە قۆناغ نوویگ لە ئارامی و دابینکردن خوازینەیل ژیان و گوزەرانی گونجیاگ ئەرا هاووڵاتییەیل عراق.

بەیاننامەگە وتیش؛ هەردوگ لایەنەگە دووپات کردم ک وڵاتەگە دووارە توانای هەڵسان  وە قۆناغ نوویگ لە هاوکاری و نەفرەتکردن لە ناکۆکیەیل و وەرەو نوا چگن دیرێد ئەرا پشتسەرنان ئەو سەختیەیلە ک کەفنە وەری.