شەفەق نیوز/ لە شار هەولێر پایتەخت هەرێم کوردستان، ئمڕوو چوارشەممە، ماراسۆنیگ ئەرا ئەو مناڵەیلە ئەنجام دریا ک تویش "بیماری داون" هاتنە، ئەوەیش لە زانکۆی جیهان.
نەوزاد یەحیا سەرۆک ئەنجومەن ئیدارەی زانکۆگە، ئەرا ئاژانس شەفەق نیوز وت: ئەنجامدان ئی ماراسۆنە لەناو زانکۆگە، وە ئامانج رەسانن پەیامەگە ک ئویشێد: ئەرک زانکۆ خوەی خزمەتکردن گشت چینەیل کۆمەڵگاس، وەگەرد ئەوانەیش ک زیان لە بیماری مەغزی دیرن، و بایەتە گشتی بنووڕێدە ئی مناڵەیلە ک تویش بیماری داون هاتنە، چوین لەناو ماراسۆنەگە بەشداری کەن و خوەشی وە روییان دیارە.
لەلای خوەییش، هاوکار قاسم ڕێکخەر ماراسۆنەگە، ئەرا ئاژانس شەفەق نیوز وت: ماراسۆنەگەی ئمڕوو، وە بەشداریکردن ٩٣ مناڵ بینای وە داون وەڕیەو چگ، و ئاهەنگ ئەرا سێ کەس سەرکەفتگیان کریا، و خەڵات وە گشت بەشداریکەرەیل دریا.
قاسم دیاری کرد ک ئامانج لەی ماراسۆنە ئەوەسە تا دەسنشان بکەیمن ک ئی چینە لەناو کۆمەڵگا هەس، و بایەتە گرنگییگ زیاتر وەپیان بیریەێد و چەومان وەدیاریان بوود.