شەفەق نیوز/ ئمڕوو دووشەممە، دەسکریەدە کێبڕکێ تاقیکردنەوەیل خوەنەوارەیل خوەنین باڵا لە هەرێم کوردستان.
کامەران یونس وەڕیەوبەر زانکۆی سەڵاحەدین لە هەولێر لە کۆنگرەیگ رووژنامەوانی ک ئاژانس شەفەق نیوز ئامادەبوی راگەیان، " ئمڕوو دەسکریەدە تاقیکردنەوەیل خوەنەوارەیل زانکۆ لە هەولێر و گشت هەرێم کوردستان وە بەشداریکردن زیاتر لە 3883 خوەنەوار، کێبڕکی لەبان کورسی دیاریکریاگەیل کەن".
دیاریکرد، تاقیکردنەوەگە 4 ساعەتە لەناو فاکلتیەگان راسکردنەوەگان ئەنجام دریەێد. دیاریکرد دەوام لە ئەیلول 2023 دەسوەپی کەێد.