شەفەق نیوز/ سەندیکای کراکارەیل لە پارێزگای سلێمانی، ئمڕوو دوشەممە، ئامار پەیوەنیدار وە کارکردن لە پارێزگاگە لە ماوەی ساڵ 2021 راگەیان.    

چالاک رەئووف وەرپرس سەندیکای کارکردن لە سلێمانی لە ماوەی کۆنگرەیگ رووژنامەوانی ک ئاژانس شەفەق نیوز ئامادەی بۊی  وت: لەماوەی ساڵ گوزەشتە  (17) کراکار گیان لە دەسدانە لەمەوقەی کارکردن و (10) کەستر زەخمداربۊیە لە شۊن کارکردنیان.    

وتیش، لەماوەی ساڵ 2021، ( 4996) کراکار لە (1650) پروژە کارکردنە لە گشت ناوچەیل پارێزگای سلێمانی (966) کەسیان ژن بۊینە.    

چالاک دیاریکرد، ک " (63٪) لە کراکارەیل پاریزگای سلێمانی وە گریەبەس وەختانە و رووژانە کارکردنە زیاتر گریبەسەیل نایاسایین وتیش، (14٪) لە خانمە کراکارەیل مووچەیلیان لە پیاوەیل کەمترە لەهەمان وەخت کارەیلیان جۊر کار پیاوەیلە.    

ئاشکەرا کرد، " سەندیکای کراکارەیل لە سلێمانی لە ماوەی ساڵ گوزەشتە (500) دەرفەت کارکردن دەستەوەر کردیە ئەرا نیر و ما وەپای ئەوە ری دریا وە 150 کراکار بەشداری  کارکردن بوون و چارەسەر گرفت 120 کراکار کریایە 15 ورکشۆپ کارکردن تایبەت وە ماف کراکار کریایە.    

چالاک کۆتایی وە چالاکیەیل سەندیکاگە هاورد وە دانان دوو پارێزەر  ئەرا پشگیری کردن لە 12 کراکار ک وە تۆمەتەیل تایبەت وە کارەگەیان خریانەسە وەردەم دادوەر.