شەفەق نیوز/ وەڕێەوبەرایەتی پولیس سلێمانی، ئمڕوو چوارشەممە، راگەیان ئاو کەسە ک لەناو بازاڕ سلێمانی مۆبایل دزیوێد دەسگیرکریا.
وەڕێەوبەرایەتی پولیس سلێمانی لە بەیاننامەیگ راگەیان، " دویای ئەوەگ چەن هاوڵاتییگ سکاڵا توومارکردن ک لەناو بازاڕ شار سلێمانی دزی لەلیان کریایە، هیزەیل پولیس نەهیشتن تاوان سلێمانی لێکۆڵینەوە دەسوەپی کردن و دەرکەفت توومەتبار وەرەو شار بەغدا وایە، و دویای وەرگردن بڕیار دادوەر و وەڕیەوبەرایەتی پۆلیس پارێزگای سلێمانی مەفرەزەیگ پۆلیس نەهیشتن تاوان ناو بازاڕ وەرەو بەغدا وەرێکەفت و وەهاوکاری نەهیشتن تاوان بەغدا توەنریا توومەتبار پەیابکریەد و دەسگیریبکەن".
دیاریکرد" لەوەخت دەسگرکردن توومەتبارەگە دەسنریاگە وەبان شمارەیگ ئامێر پەیوەنیکردن".
ئاشکەراکرد" توومەتبار (ح،خ، أ) لەداڵگبوی 2004 وناسنامەی عەرەبە چەن فرمانیگ دەسگیرکردن دیرێد وەپای بڕیار دادوەر وەپای ماددەی 446 و 443 لە یاسای سزادان عراقی گیریاگە و لێكۆڵینەوە وەردی وەردەوامە".