پەیامنێر ئاژانس شەفەق نیوز لە سلێمانی وت: وازکردن جادەگە، وە ئامادەبوبن یەکەمین خانم عراق شاناز ئیبراهیم ئەحمەد، و پارێزگار سلێمانی، و سەرۆک ئەنجومەن پارێزگای سلێمانی، و بڕیگ لە وەرپرسەیل حکومەتی و حزبی، وەگەرد پیشمەرگە دیرینەیل ک لە راپەڕین گەل کوردستان بەشداری کردنە، وەڕیەو چگ.
دکتۆر هەڤاڵ ئەبو بەکر پارێزگار سلێمانی، لە کۆنگرەیگ رووژنامەوانی ئاژانس شەفەق نیوز ئامادەی بوی وت: ئیمە لەی رووژ مەزنە لە میژوو گەل کوردمان، ک نواگیری ستەم و کوشتن و بڕین کرد، ئی دیزاین ئاوەدانی گەورە واز کەیمن، ک رەسێدە سەردەم بابانیەیل، ک وەگەرد گەشەکردن ئاوەدانی و میژوو شار سلێمانی گونجیاگە.
وتیش: ئومید خوازیمن لەی رووژە، گشتی یەک دڵ بوون، و وە یەکڕز بووسیەیمن، و بوودە ئەو پڕۆژەیلە ک یەکدەسمان بکەێد و وەیەکەو گردمانەو بکەێد، تا بتوەنیمن خزمەت هاووڵاتیەیلمان بکەیمن.
پڕۆژەگە نووەوکردن روی دەروازەی جادەی مەولەوی و پووشیان ٧٤٠ مەتر چوارسویکە وە سەنگ هەورامیە، و ئەرا زانیاری، ئی پڕۆژە وەرجە چوار مانگ و خەرج یەکەمین خانم عراق شاناز ئیبراهیم ئەحمەد دەسوەپی کریاگە.