شەفەق نيوز/ وەڕیەوبەرایەتی پۆلیس ئیدارەی ناوچەی راپەڕین لە هەرێم کوردستان، ئمڕوو چوارشەممە، خەوەردا لە زەخمداری کەسیگ دۊیای تەقەکردنیگ لە ناوچەی حاجیاوا.     

پۆلیس لە بەیاننامەیگ وت: شەوەکی ئمڕوو، لە تەقەکردن دەوانچە لە وەردەم نانەواخانەیگ لە گەڕەک ڕاپەڕین سەروە حاجياوا،  یەک کەس زەخمدار بۊی.    

بەیاننامەگە دیاری کرد ک زەخمدارەگە وەناو (ب، ع، م) لە تەمەن ٢٦ ساڵان خەڵک حاجياوا رەساننە خەسەخانەی رانیە و ئیسە هالە ژیر چەودیریکردن پزشکی، و باس وازکردن لێکۆڵینەوە لە رووداوەگە کرد.       

وەگورەی وەچەودیەیلە و ئەو زانیاریەیلە ک کەفتنە دەس ئاژانس شەفەق نيوز، مرافەیگ و تونی قسەکردن لەبان نان سەنیین کەفتە ناوبەین خاوەن نانەواخانەگە و کابرایگ بسین، رەسیە ئەوە ک کابرای بسینەگە تەقە لە نانەواگە کرد و زەخمدار بۊی.