شەفەق نیوز/ لە شار هەولێر پایتەخت هەرێم کوردستان ئمڕوو جومعە، ماراسۆن ناودەوڵتی وەڕێەوەچی، وە بەشداری شمارەیگ لە کەسایەتی و نەتەوەیل لەناوڕاس واران وارین رفتیگ.
بیژەن زەمانی ئیرانی ک پلەی یەکەم وە دەسهاوردیە وە ئاژانس شەفەق نیوز وت ئەو لە ئیرانەو هاتیە و بەشداری لە ماراسۆنەگە کردیە و ئارمانی ئەوس بەشداری لە گشت ماراسۆنەگان بکەێد.
حوسەین هەیسەم ک پێشبڕکی کاریگە لە پارێزگای بەسرە هاتیە (باشوور عراق) وە ئاژانس شەفەق نیوز وت، " پلەی چوارەم وە دەسهاوردیە خوازێد پەیام ئاشتی بڕەسنێدە گشت عراقییگ چوینکە ماراسۆنەگە ئی ناونیشانە هەڵگردیە و هیوا خوازێد گرنگی فرەیگ بدرێد وەی وەرزشە".
لە ماراسۆنەگە شمارەیگ خاوەن پێداویستی تایبەت بەشداری کردوێن، ئنعام کامل ک یەکیگە لە بەشداربویل خاوەن پێداویستی تایبەتەیل وە ئاژانس شەفەق نیوز وت، " بەشداریکردن خاوەن پێداویستی تایبەتەیل کار فرە گرنگیگە چوینکە نامەیگ پاڵنەرە ئەرا ئەو کەسەیلە تا لە ماڵ دەربچن و چالاکی زیاتریگ لە کۆمەڵگا بیاشتوون گرنگی خوەیان نیشانبیەن و بایەتە گرنگی وە مافەیلیان بدریەێد".