شەفەق نیوز/ وەڕیەوبەرایەتی گشتی کەشوهەوا و رەوانگەی زەۊیلەرزە لە هەرێم کوردستان، مەزەنەیلی دەربارەی کەشوهەوای ئی سێ رووژە بڵاو کرد، و باس واران و داوەزین پلەی گەرمی کرد، و خەوەردا لە تەواوبۊین کاریگەری جەخت کەشوهەوایەگە لەبان هەرێم کوردستان لە دۊیادۊیای ئی هەفتە.       

وەگورەی راپۆرتەگە،  ئاسمان شارەیل هەرێم وەگەرد پارێزگای کەرکوک،  ئەرا ئمڕوو سێشەممە نیمچە ئەور تا ئەور تەواوی بوود جاروبار، وەگەرد دەرفەت وارین وەتایبەت ئیوارانە، و بەرزەوبۊن ئاست وارانەگە لە ناوچە کۊیەیلە.       

دەربارەی مەزەنەی کەشوهەوای سوو چوارشەممە،  وەڕیەوبەرایەتیەگە وت: پلەی گەرمی ئەرا نزیکەی دوو تا سێ پلە داوزێد، وەگەرد دەرفەت وارین لە مەوقەی نیمەڕو و ئیوارانە لە سنوور پارێزگای دهۆک،  و شەوانە واران لە گشت ناوچەیل هەرێم وەشیوەی کەمیگ وارێد، و لە ناوچە کۊیەیلە وە شیوەییگ فرەتر.              

راپۆرتەگە وتیش؛ لە رووژ پەنجشەممەو کەشوهەوا یەکجار ل، لە ئاسمان پاکی تا نیمچە ئەوەی ئاڵشت بوود.