شەفەق نیوز/ وەزارەت پێشمەرگە، ئمڕوو سێشەممە، وەسەختی شەرمەزار ئەو پەلامارە کرد ک وە (خۆیڕی) باسی کرد، ک شار هەولێر پایتەخت هەرێم کوردستان کردە ئامانج.
پێشمەرگە لە بەیاننامەیگ ئمڕوو وت: دووپات کەیمن ک دەسەیل تیرۆرستەگان قەت توانای شیوانن ئاسایش و ئارامی و سەڵامەتی و ئاوەدانی هەرێم کوردستان نەیرن، و ئەوەسا وەگشت هێزیگ نوایان گریمن.
و دووپات کرد: دڵنیای هاووڵاتییەیل و گەل کوردستان کەیمن ک هێزەیل پێشمەرگە هەمیشە ئامادەی وەرگریکردنە لە گەل کوردستان و خاکی.
بەیاننامەگە ئاماژە کرد ک هەر پەلاماریگ لەبان هێزەیل هاوپەیمانی، جوور پەلاماریگە لەبان پێشمەرگە و گەل کوردستان، هەر بویمنە و هیمان مەنیمنە شان وەشان وەگەرد برادەرەیلمان لە هاوپەیمان ناودەوڵەتی دژوە داعش، و ئەرا ساڵەیل دریژیگ وەیەکەو کار لە دژایەتی تیرۆر گردیمنە، ئەرا ئەنجامدان ئارامی لە هەرێم کوردستان وناوچەگە.