شەفەق نیوز/ وەرپرس راگەیانن فەرمانگەی پولیس عەقرە لە دهۆک، نێچیروان فەخرەدین، ئمڕوو پەنجشەممە، خەوەردا لە پەیاکردن تەرم پیاویگ وە رەوش نادیاریگ کوشیاگە، لە و ختیگ پولیس زاخۆ تەرم ژنیگ پەیا کرد، ک چەن نووڕینیگ لە کوشیانی هەس.
فەخرەدین ئەرا ئاژانس شەفەق نیوز وت: پولیس قەزای عەقرە، ئمڕوو، تەرم پیاویگ لە تەمەن ٤٥ ساڵان لە ئاوای مزرینەکان پەیا کرد، و شوین گولە لەلەشی بوی.
دیاری کرد ک تەرمەگە ئەرا پزشک دادوەری لە پارێزگای دهۆک بریا، و پولیس لێکۆڵینەوە لە رویداوەگە واز کرد، وتیش: پیاوەگە بیماری دەروینی داشتگە.
لە خود باوەتەگە، فەخرەدین وتیش: پولیس ئیدارەی زاخۆ تەرم ژنیگ لە ناوچەیگ نزیک ناحیەی درکار باکوور زاخۆ پەیا کردیە، ک وە چشت تیژیگ کوشیاگە.
وتیش: هیمان تاوانەگە نادیارە، و تەرمەگە ئەرا پزشک دادوەری کلکریا و لێکۆڵینەوە ئەرا رەسین وە بندروس رویداوەگە واز کریا.
وتیش: ژنەگە لەوەر تونوتیژی واز لە شوی و مناڵەیلی هاوردیە، و وەرجەیە سکاڵا لەلای فەرمانگەی تونوتیژی خیزانی زاخۆ توومار کردیە.