شەفەق نیوز/ سەرۆک هەرێم کوردستان نێچیرڤان بارزانی، ئمڕوو جومعە، بەیاننامیگ دەرکرد وە بوونەی رەدبۊن 52 ساڵ لەبان رێکەفتن ١١ی ئادار/ مارس 1970 لە نوان حکومەت عراق و شۆرش ئەیلوول وە سەرۆکایەتی سەرۆک کوردی رەحمەتی مەڵا موستەفا بەرزانی.
سەرۆک نێچیرڤان بارزانی راگەیان، "رێكکەفتن 11ى ئادار گرنگترين ده‌ستكه‌فت مێژووى نوو کووشش ئازاديخوازيى كوردستانه، ک بۊیە يه‌كه‌م به‌ڵگه‌نامه‌ى ياسايى و دانوەپینریاگ وه مافه رەوایەیل، هه‌رچه‌ن ده‌سڵات ئه‌وساى عراق دۊاجار له رێككه‌فتنه‌گه په‌شيمان بۊەو، باوجی بۊە هووکار ناسانن دۆز مللەت كوردستان لەبان ئاست جەهان و بنه‌مايگ ئەرا ده‌سكه‌فته‌یل دۊاجاری له ڕاپه‌ڕين و دامه‌زرانن قه‌واره‌ى ده‌ستوورى و فيدراليى هه‌رێم كوردستان".
وتیش: "ئه‌گه‌ر ده‌سڵات ئه‌وساى عراق رێز له رێككه‌فتنه‌گه بورداد، وڵات و ئایندەی نه‌وه‌یل له چەن جەنگ و مه‌ينه‌تى مقیەتی کرد، و ئیسە عراق وه ته‌واوى وڵاتیگتر سەروەخوەی سه‌قامگير و ئاوه‌دان بۊ، وتیش: ئیسە بایەت گشتمان له عراق په‌ن له‌وە وه‌ربگريمن و مقیەتی بکەیمن لە فيدراليزم و مافه‌یل ده‌ستووری گشت پێكهاته‌یل عراق، ئیسە و ئایندەی خاستر ئەرا نه‌وه‌یل دابين بكه‌يمن".