شەفەق نیوز/ وەزارت تەندروسی لە هەرێم کوردستان، ئمڕوو دووشەممە، راگەیان تۆمارکردن ٩٤ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە، و هەمیش ٩٣٧ خاسەوبوین.

وەزارەتەگە لەبەیانامەیگ وت: ٤٦١١ تاقیکردنەوە لە ماوەی یەک رووژ ئەنجام دا، تووشهاتنەگانی وەیجوورە بەشەو بوین: ١٥ هەولێر، ٢٦ سلێمانی، ٤٨ دهۆک، ٥ گەرمیان.

خاسەوبویەگان وەیجوورە بەشەوە بوین: ٣٣٣ هەولێر، ١٧٢ سلێمانی، ٣٦١ دهۆک، ٣٣ گەرمیان، ٣٨ راپەڕین.

و تەنیا یەک مەردن وە ڤایڕۆسەگە لە پارێزگای دهۆک تۆمار کریا.

لە وەخت بڵاوبوین پەتاگە لە هەرێم، ١٠٥٧٠٢ کەس تووش هاتنە، و ٩٤٤٢٧ خاسەوبوینە، و ٣٤٥٧ مردنە.