شەفەق نیوز/ وەزارەت تەندروسی لە حکومەت هەرێم کوردستان، ئمڕوو چوارشەممە، ئاشکرای ئامادەبوونی لە نواگردن بڵاوبوین بنچینە نووەگەی ڤایڕۆس کۆڕۆنا لە هەرێم کرد، لەناویان ئەگەر لە بەسانن بەشیگ لە شوونەگان لەپشۆی سەر ساڵ.
ئاسۆ حویزی قسەکەر وەناو وەزارەتەگە ئەرا ئاژانس شەفەق نیوز وت؛ لە نزیکەو چەودیری لە دەرچگن بنچینەی نوو ڤایڕۆس کۆڕۆنا کەیمن،و دەسکریمنە ئامادەکاریەگان، و شایەت بەشیگ لە شوونە نا گرنگەگان لە پشۆی سەر ساڵ بوەسیەن.
حویزی وتیش؛ ژمارەی تووشهاتنەگان وە پەتاگە ئەراک دەور ٣٠ تا ٤٠ لەسەد داوەزیا، وەلی هیمان ڤایرۆسەگە مەترسیدارە و وەتەواوی کۆنتڕۆڵی نەکردیمنە.
قسەکەر وەناو تەندروسی هەرێم کوردستان هان هاووڵاتییەگان دا ئەرا پابەندی وە ریکارە مقەیەتیەگان ک لەلایەن وەزارەت تەندروسی دەرچن چوونکە گرنگترین چشت مقەیەتی خوەیەتیە.