شەفەق نیوز/ قەیس خەزعەلی ریبەر عەسایب ئەهل حەق، دەسخوەشی لە نێچیروان بارزانی سەرۆک هەرێم کوردستان کرد، ئەرا تەرخانکردن ١٠٠ پاس ئەرا هاوردن و بردن زیارەتکەرەیل چلەی ئیمام حسێن.
وەرجەیە، سەرچەوەیگ لە نویسینگەی محمد شیاع سودانی، ئاشکرای بەشداریکردن سەرۆکایەتی هەرێم کوردستان وە کلکردن ١٠٠ پاس نوو لەناو پیلان حکومەتی ئەرا هاوردن و بردن زیارەتکەرەیل چلەی ئیمام حسێن.
سەرچەوەگە ئەرا ئاژانس شەفەق نیوز وت: نویسینگەی سەرۆک وەزیرەیل پیشنیار ئەرا سەرۆکایەتی هەرێم کوردستان کرد، و ئەو پیشنیارە پاڵپشتیکردن وەلایەن نێچیروان بارزانی سەرۆک هەرێم کوردستان ئەرای بوی.
سەرچەوەگە دیاری کرد کە، پیلان هاوردن و بردن زیارەتکەرەیل ئمساڵ لە ساڵەیل گوزەشتە جیاوازترە، و دووپات کرد کە سودانی فەرمان وە کراگردن نزیکەی ١٢٠٠ پاس گەورە وەگەرد ٢٠٠ پاس بویچگ دا تا بکەفنە وەرد زیاتر لە ٢٠٠٠ پاس و ماشین حکومەتی و وەڕیخستن ٢٣ قەتار نا زیارەتکەرەیل مەوقەی هاتنوچگنیان وەرەو کەربەلا نەکەفنە وەر چزداین.