شه‌فه‌ق نيوز/ كونسوڵ گشتى فره‌نسا له هه‌ولێر له وه‌خت ديدارى وه‌ل سه‌رۆك په‌رله‌مان كوردستان, پرووسه‌ى سه‌ختيگ له هه‌رێم وه ده‌سكه‌فت تازه تاريف كرد.
له‌ى باوه‌ته‌و، په‌رله‌مان كوردستان له به‌ياننامه‌يگ ئه‌را شه‌فه‌ق نيوز وت: هێمن هه‌ورامى جيگر سه‌رۆك په‌رله‌مان پيشوازى له ئۆليفيه ديكۆتينى كونسوڵ گشتى فره‌نسى له هه‌ولێر كردگه‌و له‌و ديداره باس له پرووسه‌ى خاسسازى له هه‌رێم كرياگه.
جى باسه، به‌ياننامه‌گه هه‌ميش وت: كونسوڵ فره‌نسا وه‌بوونه‌ى په‌سه‌نكردن پرووژه‌ى خاسسازى ده‌سخوه‌شى له په‌رله‌مان كردگه‌و وتگه خاسسازى پرووسه‌يگ سه‌خته‌و ته‌نانه‌ت وڵاته‌يل پيشكه‌فتگ له ئۆرپا وه‌شيوه‌ى سه‌ختيگ جيوه‌جێى ئه‌كه‌ن و له هه‌مان وه‌خت وه گام و ده‌سكه‌فت خاسيگ ئه‌را په‌رله‌مان و حكومه‌ت هه‌رێم تاريفى كرد.