شەفەق نیوز/ فراکسیۆن سادقون لە پەرلەمان، ئمڕوو دووشەممە، پێشنیاریگ خستە وەردەس ئەرا نزیکەوکردن رووژ هەڵبژاردن وڵاتەگە ئەرا مانگ نیسان لەجیای ئەوەگ موستەفا کازمی رایگەیان.
کازمی لە رووژ جمعە، شەش حوزەیران ئایندە دیاری کرد ئەرا ئەنجامداین هەڵبژاردنە زوینەگە، وپەیمان دا و رێکخستن هەڵبژاردن پاکیگ دویر لە زاڵی چەک.
محمد بەلداوی نوینەر فراکسیۆن سادقون ئەرا ئاژانس شەفەق نیوز وت: فراکسیۆن سادقون پێشنیاریگ خستە وەردەس سەرۆکایەتی هاوپەیمان فەتح وە ئاڵشتکردن و نزیکەوکردن رووژ هەڵبژاردنەگە ئەرا مانگ نیسان لەجیای مانگ حوزەیران.
وتیش: مانگ نیسان گونجیاگترە ئەرا هەڵبژاردن، کۆمسیۆنەگە دووپاتکرد لە توانایی ئەرا ئەنجامداین هەڵبژاردنەگە ئەگەر پەلەمان وە بڕیار و یاسا داناین پشتگیریی کرد ئەرا ئاسانکردن هەڵبژاردنەگە.
بەلداوی دیاری کرد؛ رووژە دیاری کریایەگە لە لایەن کازمی ئەرا هەڵبژاردن نەگونجیاگە لەوەر بەرزی پلەی گەرمی و تاقیکردنەوەیل بەکەلۆریا و هووکارەیلیگ تر.