شەفەق نیوز/ فرۆکەیل جەنگی سەر وە چەک ئاسمانی تورکیا، ئمڕوو جومعە، گورزدا لە کویەی "ئاسۆس" لە سلێمانی لە چوارچمگ سنوور ئاوای "گوڵاڵە" سەر وە قەزای " ماوەت" لە پارێزگای سلێمانی.
وەگورەی زانیاریەیل کەفتیەسە دەس ئاژانس شەفەق نیوز، فرۆکەیل جەنگی وە گورز ئاسمانی "دۆڵ دوکانیان" لە دویری پەنج کم لەئاوای ناوبریاگ کردنەسە ئامانج.
تا ئیسە زانیاری لەباوەت زەرەدەیل ئی گورزە لەوەر دەس نییە تەنیا ئەوەگ نەوود ک فرۆکەیل جەنگی تورکیا لە ئیوارەی دویکە لە ئاسمان ناوچەگە گەردینە.
کامەران حەسەن قایمقام قەزای ماوەت لە بەیانیگ ڕووژنامەوانی وت، گورزەگە یەکجار بویە و دانشتگەیل ناوچەگە تویش نەهاتنە.