شەفەق نیوز/ دامەزریان و سازیان یەکەمین فیستواڵ سینەمایی ناودەوڵەتی جینۆسایدکردن کوردەیل فەیلی ئاشکرا کریا، کە تەکبیرە لە کۆتایی مانگ تشرین دویەم ئایندە لە بەغدای پایتەخت وەڕیەو بچوود.

فیستواڵەگە رووشنایی خەێدە بان ئەو جینۆسایدە و کوشتن و بڕینە کە وەسەر کوردەیل فەیلی لە عراق هات، وەگورەی قسەیل ئەیاد جەبار دەرهێنەر و دامەزرێنەر فیستواڵەگە کە وت؛ یە چوار ساڵە کار ئەرا ئی فیستواڵە کەن، تا لەڕوی سینەمایی باس ئەو جینۆسایدە بکریەێد، کە هویچ کاریگ سینەمایی ئەوەگ وەسەر کورد فەیلی هاتیە نییە تا بکەێدە بەڵگەیگ سینەمایی، و ئی پڕۆژە رەسیە دامەزریان فیستواڵەگە، لەوەر گرنگی سینەما و پەیام جەهانیی خوازیمن ئەو نەهامەتیە کە وەسەر کورد فەیلی هات، کە منیش یەیگ لەوانەم، بکەیمنە چشتیگ ئەرا وەرگریکردن لەلییان.

جی باسە کە فیستواڵەگە لە خول یەکەمی ١٢ فیلم بەرهەم کەێد، هەرلە توومارکردن تا نمایشکاری کوڵ و ئەنیمەیشن لەباوەت کوردەیل فەیلی.