سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی پیشوازی لە پاتریک دورێل باڵیۆز فەرەنسا لەلای عراق کرد.

بەیاننامەگە وتیش: لە دیدارەگە هەردوگ لایەن پاڵپشتی خوەیان ئەرا گەشەپیدان پەیوەندییەیل فەرەنسا وەرد عراق و هەرێم کوردستان نووەو کردن، و رووشنایی خستنە بان هاوکاری هاوبەش لە گشت چینەیل.

 دیاری کرد کە هەردوگ لایەن نووڕین خوەیان لەبان رەوش هەرێم کوردستان باس کردن، و هاوڕا بوین کە هەڵوژاردن پەرلەمان کوردستان لە وەخت گونجیاج ئمساڵ وە بەشداریکردن گشت حزبەیل و پیکاتەیل سیاسی لە کوردستان وەڕیەو بچوود.

بەیاننامەی سەرۆکایەتی وتیش: لە دیارەگە باس گرنگی دانوسەنین ئەرا چارەسەرکردن گیچەڵەیل گیرهاتگ ناوەین هەولێر و بەغدا کریا، و هەڵسەنگاندن وەنواچگن لە پەیوەندییەیل دووانی وەشیوەی ئەرێنی.

لەی باوەتە، باڵیۆز فەرەنسا نرخدار تەقەلایل سەرۆک هەرێم کوردستان کرد، و باس پاڵپشتیکردن وڵاتەگەی کرد ئەرا چارەسەرکردن ئەو باوەتەیلە.

مقیەتیکردن ئارامی سیاسی لە عراق و رەوشەیل ناوچەگە و بڕیگ باوەت گرنگ لەلای هەردوگ لایەن باسەیل ناو ئەو دیدارە بوین کە قونسوڵ گشتی فەرەنسا لە هەرێم کوردستان ئامادەی بوی.