شەفەق نیوز/ دەسەی کەشناسی و زەویلەرزەی هەرێم کوردستان، ئمڕوو چوارشەممە، پیشبین کەشوهەوای هەرێم راگەیان، مەزەنە کەێد پلەی گەرما  2-4 پلە داوەزین وە خوی دوینێد.

دەسەی کەشناسی ئمڕوو لە بەیاننامەیگ ک ئاژانس شەفەق نیوز چەوەی وەپی کەفتیە راگەیان، ئمڕوو چوارشەممە ئاسمان ئەور تەواویگە وەگەرد واران وارین لەوەختەیل جیا، تاقمەگلی وران وارین زیاترەو بوود لە ناوچە کویەیلە، لە سەنتەر پارێزگایەیل لە ئیوارە واران فرەترەو بوود وەگەرد دروسبوین گڕمەهڕ، وەگەرد وەفر وارین لە بان کویەیل سنووری، و پلەی گەرما(2-4 ) پلە داوەزێد لە توومارەیل دویەکە.

بەرزترین پلەی گەرمای پیشبینی کریاگ وە سیلیزی:

هەولێر     :  18 پلەى سیلیزى

سلێمانی    : 17 پلەى سیلیزى

دهۆک     :  17 پلەى سیلیزى

کەرکوک  : 19 پلەى سیلیزى

هەڵەبجە   :  17 پلەى سیلیزى

زاخۆ      :  17 پلەى سیلیزى

سۆران    :  14 پلەى سیلیزى

گەرمیان  :  23 پلەى سیلیزى.