وەڕیەوبەرایەتیەگە لە بیەننامەیگ رەسیە ئاژانس شەفەق نیوز راگەیان، ئمڕوو ئاسمان ئەور تەوایگە جاروەجار ئاڵشتبوود ئەرا نیمچە ئەور  وەگەرد وارین کەمیگ پرزە واران لە ناوچە سنووریەیل پارێزگای دهۆک و تەپوتوز سووکیگ لەناوچەیل ناوڕاس هەرێم، و پلەی گەرمی نزمەو بوود.

وەڕیەوبەرایەتیەگە کەشوهەوای سوو دووشەممەیش راگەیان و مەزەنەکەێد، ئاسمان ئەورە وەگەردیا پرزە واران وارێد لەناوچەیل پارێزگای دهۆک لە دویای نیمەڕو دەرفەت وارین زیاترەو بوود بڕیگ ناوچەیتریش گرێدەو جویر ناوچە کویەیلەی هەولێر و کەمیگ لەسەنتەر شاریش وارێد و گڕمەهڕ وەگەردی هەس، باوجی لە سلێمانی و ناوچەیل کویەیلی و ناوچەی گەرمیان و کەرکوک تەنیا ئەورە مەزەنەی واران وارین نییە.

 پلەی گەرما یەک تا دوو پل داوەزێد بیجگە لە پارێزگای دهۆک ک پلەی گەرما زیتر داوەزێد .

بەرزترین پلەی گەرما مەزەنەکریاگ وە پلەی سیلیزی: 

هەولێر : 23 

سلێمانی : 21

دهۆک : 19 

کەرکوک : 23

هەڵەبجە : 22

زاخۆ : 20

سۆران :21

گەرمیان : 26.