کەشناسی هەرێم راگەیان، لەماوەی رووژەیل دووشەممە تا جومعەی ئایندە لە ئەنجام یەکگردن هەردگ نزمە پاڵەپەستۆى دەریاى ناوەڕاس و تورکیا شەپوولیگ واران وارین سەرجەم ناوچە جیاوازەیل گرێدەو.

 دیاریکرد، لە رووژ دوشەممە سەرەتا وە شیوەی کەم دەسوەپی کەێد  لە رووژەیل سێشەممە و چوارشەممە، شەپوول واران وارینەگە قایمەو بوود وپای خشتەیل مەزەنەکریاگ واران وارین ئاست وارین وە شیوەی واران رفت و گڕمەهڕە و بڕیگ جار بەرزەوبوین ئاست ئاو ونزمبوینەوەی پلەی گەرما.

 هەر وەپای مەزەنەیل کتشناسی ئمڕوو پەنجشەممە ئاسمان ناوچەیل هەرێم لەمابەین لەکە ئەور و نیمچەئەورە پلەی گەرما پەنج تا چوار پلە داوەزێد.

دیاریکرد سوو جومعەش جویر ئمڕوو نیمەئەور و لەکەئەورە  و پلەیل گەرما وە جیگیری مینێد.

بەرزترین پلەی گەرما مەزەنە کریاگ وە پلەی سیلیزی :

هەولێر :22 پلەى سیلیزى

سلێمانی : 19 پلەى سیلیزى

دهۆک : 20 پلەى سیلیزى

کەرکوک : 24 پلەى سیلیزى

هەڵەبجە : 20پلەى سیلیزى

زاخۆ :21 پلەى سیلیزى

سۆران : 17 پلەى سیلیزى

گەرمیان : 25 پلەى سیلیزى.