وەڕێەوبەرایەتیەگە لە بەیاننامەیگ رەسیە ئاژانس شەفەق نیوز راگەیان، ئمڕوو یەکشەممە ئاسمان ئەورە، و لەدویای نیمەڕوو مەزەنەی  هاتن شەپوولیگ واران وارین کریەێد ئەرا بان ناوچەگەمان وە گشتی کاریگەری پاڵە پەستۆیگ لەبان عراق روی لە ناوچەگە کەێد، و واران لە بڕیگ لە ناچەیل جیاواز وارێد، جاروەجار بەڵاچە و واران رفت کوڵە وەختیگ دروس بوود.

دیاریکرد، لە بەشیگ لە ئیدارەی گەرمیان و کەرکوک و ناوچە کویەیلەی خوەرهەڵات هەرێم هاتێ فرەتر وارن بوارێد.

ئاشکەریشیکرد سوو دووشەممە ئاسمان ئەورە و واران لە وەختیل جیاواز وە شیوڵی مامناوەند وارێد و وەگەرد واران بەڵاچەس هەس و واران رفتەیل لە چەن وەختیگ جیا، لە شەو کاریگەری شەپوول وارینەگە کۆتایی تێد لە بەشەیگ لەناوچەیل و ئاڵشتبوود ئەرا نیمەئەور.

بەرزترین پلەی گەرما مەزەنەکریاگ وە پلەی سیلیزی:

هەولێر :  21 پلەى سیلیزى

سلێمانی: 20 پلەى سیلیزى

دهۆک: 19 پلەى سیلیزى

کەرکوک: 22 پلەى سیلیزى

هەڵەبجە: 20 پلەى سیلیزى

زاخۆ :   19 پلەى سیلیزى

سۆران:  18  پلەى سیلیزى

گەرمیان:  24 پلەى سیلیزى.