شەفەق نیوز/ کەشناس هەرێم کوردستان، ئمڕوو جومعە، کەشوهەوای پارێزگایەیل هەرێم راگەیان، و مەزەنە کەێد پلەی گەرما داوەزێد.
وەڕێەوبەرایەتی کەشناسی و زەویلەرزەی هەرێم راگەیان ئمڕوو جومعە ئاسمان ناوچەیل هەرێم ساماڵ و لەکە هەورە و پلەی گەرما نزمەوبوود وە بەراورد وە دویکە.
دیاریکرد، سوو شەممە ئاسمان ناوچەیل هەرێم وە گشتی ساما و نیمە ئەورە و مەزەنەکریەێد پلی گەرما وەرێژەی یەک ئەرا دوو پلەی سەدی داوەزێد.
وەپای مەزەنەیل وەرێەوبەرایەتیەگە بەرزترین پلەی گەرمای ناوچەیل هەرێم وەیجویرە بوود:
هەولێر ١٦
سلێمانی ١٤
دهۆک ١٦
کەرکوک ١٨
هەڵەبجە ١٣
زاخۆ ١٦
سۆران ١٣
گەرمیان ١٩.