لە بەیاننامەگە هاتیە ئاسمان لەمابەین نیمە ئەو و ئەور تەواوە وەگەرد وارین واران و گڕمەهڕ وەشیوەی لاوەلا لەناوچەیل هەرێم و لە ناوچەیل کویەیلە کاریگەری زایایترە و پلە گەرما کەمیگ بەرزەوبوود لەچەو توومارەیل دویکە.

کەشناسی دیاری کەشوهەوای سوو جومعەیش کرد و راگەیان، ئاسمان ئەورە وەگەرد واران و گرمەهڕ سەرەتا لەناوچەیل خوەرئاوای هەرێم وارێد دویاش کاریگەری وەبان فرەیگ لە ناوچەیل هەرێم درویژەوبوود، لەوەخت شەو گەشە کەێد. 

لە بەیانامەگە مەزنەی بەرزترین پلەی گەرمی وە پلەی سیلیزی دیاریکرد ک وەیجویرەس :

هەولێر     :  27پلەى سیلیزى

سلێمانی   : 26 پلەى سیلیزى

دهۆک      : 24 پلەى سیلیزى

کەرکوک   : 30 پلەى سیلیزى

هەڵەبجە   : 25 پلەى سیلیزى

زاخۆ      :  25 پلەى سیلیزى

گەرمیان  :  31 پلەى سیلیزى.