وەزارەت پێشمەرگە، ئمڕوو دووشەممە، راگەیان رێککەفتنی وەگەرد بەغداد لەبان زیایکردن هەماهەنگی و کار هاوبەش، ئەرا نواگردن پەلامارە تیرۆریەکان هەکاتی وەرجە دوو رووژ گوزەیشتە لەبان کەرتەیل سەربازی عراقی و شوینەیل پێشمەرگە لە کەرکوک و بەغداد.

فەریق جەبار یاوەر ئەمیندار گشتی وەزارەت پێشمەرگە وت: وەگەرد فەریق جەمال ئیمینیکی سەرۆک ئەرکان وەزارەت پێشمەرگە ئامادەی کۆبونەوەیگ ئەمنی فراوانیگ بوین ک موستەفا کازمی سەرۆک حکومەت عراق سەرپەرشتیاریی کرد وەگەرد وەزیرەیل وەرگری و ناوخۆ ودارایی فیدڕاڵی.

وتیش: گردەوبویەکان باس لە هەڕەشە راسیەیل کردن ک تیرۆرستەیل داعش دروسی کەن، وەتایبەت دویای ئەوە ک بوینە هووکار شەهیدبوین شمارەیگ لە ئەندامەیل لیوای دەهەم سەروە وەزارەت پێشمەرگە و سەربازەیل وەرگری لە حکومەت فیدڕاڵی لەوەر بۆشاییە ئەمنی وسەربازیەگە.

وتیش: رێک کەفتن لەبان زیایکردن هەماهەنگی وکار هاوبەشی لەڕی دەس و تیمە هاوبەشەیل لەناوبەین سوپا و هێزەیل پێشمەرگە لە ناوەندەیل هەماهەنگی هاوبەش وەوشیوەگ بیلێد بۆشاییەگان پڕەو بکەێد و ئاست زانیاریە هەواڵگریەیل فراوانەو بکەێد، ئەرا نواگردن دووارەوبوین ئیجوور کاریگ و پتەوکردن پشتینە ئەمنیەکان و زیایکردن ئۆپڕاسیۆنە هاوبەشەیل.