شەفەق نیوز/ شاندیگ لە مەردم هەرێم کوردستان، و کەسەیلیگ کە لە ئەنفال و زینیوەچاڵی لە نوگرەت سەلمان رزگار بوینە، وە سەرپەرشتیاری دامەزراو ئەنفالکریاگەیل لە هەرێم کوردستان، شەویگ (پەنجشەممە لەبان جمعە) لەناو زیندان بەدناو (نوگرەت سەلمان) گوزەران کردن، وە یادکردن ئەو رووژەیل سیا کە وەبان کوردەیل رەد بوی.
مەحمود بوستانی، نویسەر و میژووناس کە لە شاندەگە بەشدار بوی، ئەرا ئاژانس شەفەق نیوز وت: ئیوارەی پەنجشەممە، رەسیمنە شار سماوە، و لەورا شاندیگ لە دەزگای شەهیدەیل عراق هاتنە پیریمانەو، و پیشوازی لەلیمان کردن، و لەورەو وەرەو زیندان و شوین کوشتن و سەرنقومکردن کوردەیل (نوگرەت سەلمان) کەفتیمنە ری، و لەورا، ئەو کەسەیلە کە لەو شوینە رزگار بوینە، باس وەسەرهاتەیل خوەیان و ئەو کەسەیلە کە وەگەردیان کردن کە بوینە قوربانی شکەنجە و زنیوەچاڵی وەدەس دارودەسەیل رژیم بەعس تاوانکار، وچەن شانۆگەرییگپیشکەش کریا
بوستانی وتیش: لەو شوین دڵتەنگە، باس و وتار وەلایەن کەسەیلیگ لە شاندەگە پیشکەش کریا، وەگەرد چەن چیرووکیگ لە یاد شەهیدەیل ئەنفال.